Предавање за штетноста од тутунот, алкохолот и наркотиците

Денеска, за време на големиот одмор, во салата за приредби се одржа едукативно предавање за сите ученици, во организација на претставници од Министерството за внатрешни работи (МВР).

Преку отворен, пријателски и интерактивен разговор, претставниците од МВР ги запознаа учениците со опасностите и штетните последици кои со себе ги носат консумирањето тутун (вклучително и електронските цигари), алкохолот и наркотичните средства. 🚭🍷❌

Главен акцент на предавањето беше ставен врз градењето здрави животни навики, препознавањето и отпорот кон врсничкиот притисок, како и важноста да се донесуваат правилни и одговорни одлуки за сопствената иднина.

Изразуваме голема благодарност до Министерството за внатрешни работи за континуираната поддршка, соработка и посветеност во превенцијата и едукацијата на нашите млади генерации! 👏

Здрави млади – сигурна иднина! 🌟