Со голема гордост и радост споделуваме уште еден извонреден успех на нашите ученици на Државниот натпревар по италијански јазик!

Нашата ученичка Сара Милошеска од VIII одделение го освои одличното второ место, покажувајќи врвно знаење, труд и посветеност.

Воедно, ученикот Лео Грујоски од VI одделение освои високо петто место во конкуренција од вкупно 23 ученици од целата држава.

Особена благодарност и честитки упатуваме и до нивниот ментор, наставничката Александра Тренески, за нејзината посветеност, поддршка и несебична работа со учениците.

Им честитаме од срце и им посакуваме уште многу успеси, инспирација и нови достигнувања!